மிதுனம் ராசியில் பிறந்தவர்களுக்கு பலன்கள் எப்படி இருக்கும்..?
மிருகசிரீடம் 3,4 பாதங்கள் மற்றும் திருவாதிரை,புனர்பூசம் நட்சத்திரங்களில் பிறந்த மிதுனம் ராசியை சேர்ந்தவர்கள் இரட்டைக்குணம் கொண்டவர்கள்...மனநிலை வேகமாக மாறிக்கொண்டே இருக்கும்...புதிய புதிய யோசனைகள் உதயமாகிக்கொண்டே இருக்கும்...நல்ல நகைச்சுவையாளர்கள்..பிறரை மயக்கும் பேச்சுத்திறமைக்காரர்கள்....ஏதேனும் ஒரு திறமை இவர்களிடம் நிச்சயம் இருக்கும்...புதன் ராசிக்காரர்கள் என்பதால் எழுத்து,கணக்கு இவர்கள் வாழ்வில் முக்கியமானது..உடலுழைப்பை விட உங்களுக்கு மூளை உழைப்புதான் அதிகம்..சுல்பமாக பணம் சம்பாதிப்பது எப்படி என யோசித்துக்கொண்டே இருப்பீர்கள்..எதிலும் நிலையாக ஒரிடத்தில் இருக்க மாட்டீர்கள்...நதி போல ஓடிக்கொண்டிரு என்பது உங்களுக்குத்தான் பொருந்தும்...
மிதுனம் ராசி அன்பர்களே...உங்களுக்கு இப்போது சந்தோசமான செய்தி என்னவென்றால்..சனி 30 வருடங்களுக்கு பின்னர் நவம்பர் மாதம் முதல் உங்களுக்கு ராஜயோகங்களை அள்ளித்தரப்போகிறார்.....ஆம்...உங்கள் ராசிக்கு 6ஆம் இடத்தில் சனி பெயர்ச்சியாவதால் இதுவரை இருந்துவந்த அனைத்து பிரச்சினைகளும் விலகும்..தொழில் இல்லாதவர்கள்,வேலை இல்லாதவர்களுக்கு உடனே விரும்பியதைவிட சிறப்பாக அமையும்.....
திருமணம் ஆகாதவர்களுக்கு திருமணம் கூடி வரும் கடன் பிரச்சினைகள் மலையளவு இருந்தாலும் விலகும்...பிரிந்திருந்த கணவன் மனைவி ஒன்று சேருவர்..இதுவரை மருத்துவ செலவு ,தொழில் முடக்கம்,பண முடக்கம் என படாத துன்பங்களை அனுபவித்தீர்கள்...எதை தொட்டாலும் தோல்வி என சோர்ந்து கிடந்தீர்கள்.. இன உற்சாகமாக செயல்படுவீர்கள்..பல நல்ல விசயங்கள் திருப்புமுனைகள்,நீண்ட நாள் எதிர்பார்த்த காரியங்கள் எல்லாம் நடக்கும்...இழுபறியாக இருந்து வந்த சொத்து பிரச்சினைகள் தீரும்...
திருவாதிரை நட்சத்திரம் ராகுவின் நட்சத்திரம் முன்கோபம் ,பிடிவாதம்,அலட்சியம் சற்று அதிகமாகவே காணப்படும்..இந்த காலகட்டத்தில் சனி உங்களுக்கு அளவுக்கதிகமாகவே தைரியம் கொடுக்க போகிறார் எதிரிகள் உங்களை ஒன்றும் செய்ய முடியாத காலகட்டம் என்பதால் நீங்கள் அளவு மீறிப்போகாமல் நல்லதுக்கு மட்டும் உங்களை முன்னேற்றிக்க்கொள்ள மட்டும் இக்காலங்களில் முயற்சித்தால் அடுத்த 30 வருடங்களுக்கு உங்களுக்கு ராஜ வாழ்க்கைதான்..
புனர்பூசம் நட்சத்திரக்காரர்கள் பணம் வரவு செலவுகளில் இதுவரை இருந்து வந்த அலட்சியம் தவிர்த்து இனி இன்னும் சிறப்பாக கவனம் செலுத்தினால் சேமிப்பு பல மடங்கு உயர்த்தலாம் நீண்ட கால முதலீடுகள் செய்யக்கூடிய காலம் இப்போதுதான்..
மிருகசிரீடம் காரர்கள் செவ்வாய் நட்சத்திரம் உடையவர்கள் என்பதால் வீண் வம்பு ,வழக்கு,மருத்துவ செலவு இவற்ரால் அதிகம் பாதிப்பை சந்தித்தீர்கள் இனி தேவையற்ற விசயங்களில் தலையிடாமல் செயல்படுவது நல்லது ...எல்லாவற்றிலும் இனி உங்களுக்கே வெற்றி கிடைக்கும் காலம் தொடங்கி விட்டது....பகைகளை மறந்து கூடி வாழ்ந்தால் கோடி நன்மை..குற்றம் பார்க்கின் சுற்றம் இல்லை என்பதை புரிந்து செயல்படுங்கள்....தொழில்,கடன் பிரச்சினைகள் யாவும் இனி விலகும்..
சனி வக்ரம்;15.3.2015 முதல் 2.8.2015 வரையிலும் ,26.3.2016 முதல் 13.8.2016 வரையிலும் சனி இரண்டு முறை வக்ரகதி அடைகிறார்........இக்காலங்களில் கவனம் தேவை....
Post a Comment