சிம்மம் ராசியினருக்கு சனிப்பெயர்ச்சி எப்படி இருக்கும்..?
சிம்மம் சூரியன் வீடு என்பதால் நெருப்பு ராசி...இவர்களும் நெருப்பு போன்றவர்கள்தான்...துணிச்சலும்,தைரியமும் கூடவே பிறந்தது...இவர்களது கோபம் அக்னி போல சுடும்..எல்லாம் சரியாக இருக்க வேண்டும்..எல்லாம் ஒழுங்காக இருக்க வேண்டும் என நினைப்பார்கள்.....சூரியன் ராசி என்பதால் ஒரு அரசன் போல எப்போதும் மிடுக்காக,கம்பீரமாக நடந்துகொள்வார்கள்...கீழிறிங்கி போவதில் துளியும் விருப்பம் இருக்காது இதனால் அனுசரித்து போகாதவர் என்ற கெட்டப்பெயரும் இவருக்கு வரும்...அதை புரிந்தும் இவர் சரி செய்துகொள்ள மாட்டார் இயல்பு அப்படி.
தன்மானத்துக்கு ஒரு பங்கம் வந்துவிட்டால் எரிமலையாய் வெடித்து சிதறுவார்...கோபம்,பிடிவாதத்தை கொஞ்சம் குறைச்சிக்கிட்டா பரவாயில்லை என வீட்டில் உள்ளவர்களே ஆதங்கப்படுவார்கள்...நான் சொல்வதே சரி எனும் போக்கு பலருக்கும் வருத்தத்தை உண்டாக்கும்...எந்த செயலையும் ஆரம்பித்துவிட்டால் அதை முடிக்காமல் விட மாட்டார்...சிங்கம் மாதிரிதான் ஆனால் அதுவே இவர்களை மற்றவர்களிடமிருந்து தனிமைப்படுத்தி விடுகிறது...நிர்வாக விசயத்திலும்,கடுமையாக உழைப்பதிலும் இவர்களை மிஞ்ச ஆள் இல்லை..
மகம்,பூரம்,உத்திரம் 1 ஆம் வரை உள்ள சிம்ம ராசிக்காரர்களுக்கு இதுவரை மூன்றாம் இடத்து சனி நடந்து வந்தது..இனி நான்காம் இடத்து சனி அதாவது அர்த்தாஷ்டம சனி தொடங்குகிறது...3ல் சனி இருக்கும்போது நீங்கதான் ராஜா..அளவு கடந்த துணிச்சலை வீரிய ஸ்தானத்து சனி அள்ளிக்கொடுத்தார் இதனால் எதிரிகளை எதிர்ப்புகளை துவம்சம் செய்தீர்கள்..3ஆம் இடத்து சனி செல்வாக்கையும்,செல்வவளத்தையும் சிலருக்கு அள்ளிக்கொடுத்தது...இப்போது அர்த்தாஷ்டம சனி அவ்வளவு விசேஷமாக இல்லை என்றுதான் சொல்ல வேண்டும்..ஆனாலும் சனி வக்ரம்,சனி நீசம் என்றெல்லாம் ஒரு வருஷம் இடையிடையே வருவதால் நீங்கள் தப்பித்துக்கொள்ள நிறைய வாய்ப்பிருக்கிறது...
4ல் சனி என்ன செய்யும்..? உடல் ஆரோக்கியத்தை பாதிக்கும்..அதிக மன அழுத்தம்,மன உளைச்சலை தரும்..நண்பர்கள்,உறவினர்களால் பலவிதத்திலும் உங்களுக்கு இடைஞ்சல்,பிரச்சினைகளை தருவர்...காரிய தடங்கல்,முயற்சிப்பது எல்லாம் தோல்வியில் முடியும்...தொழில் மந்தம்,வருமான தடை இருக்கும் எனவே கவனமாக நிதானமாகத்தான் செயல்படவேண்டும்..இல்லையெனில் சிக்கலில் சிக்கிக்கொள்ள நேரும்..அரசாங்க பிரச்சினைகள் வரும் என்பதால் பட்டகாலில் படும்...என உணர்ந்து செயல்படவும்.
மகம் கேது நட்சத்திரம் என்பதால் கொஞ்சம் பிரச்சினைகள் அதிகம்தான்...பிரச்சினையில் சிக்கினால் அதைப்பற்றியே நினைத்து தூக்கமில்லாமல் தவிப்பீர்கள்....கேது கெடுக்கும் என்பதற்கேற்ப..உடல் ஆரோக்கியத்தை கவனிக்கவும்,,ரத்த அழுத்தம்,சர்க்கரை வியாதிகள் இருப்பின் இக்காலகட்டத்தில் இன்னும் கூடுதல் கவனம் அவசியம்.
பூரம் காரர்கள் சொத்துக்கள் வீடு வாங்குவதில் கட்டுவதில் சிக்கலில் சிக்கிக்கொள்ளலாம் எச்சரிக்கை அவசியம்...கண்ணை மூடிக்கொண்டு கடன் வாங்குவதை தவிர்க்கவும்.வாழ்க்கை துணை சார்ந்த பிரச்சினைகள் உண்டகலாம்...அமைதியாக அனுசரித்து செல்வது நல்லது...
உத்திரம் 1ஆம் பாதம் நெருப்பு போல எல்லோரையும் சுட்டெரிக்காதீர்கள் நெருப்பு வளையத்தில் நீங்களே சிக்கிக்கொள்வீர்கள்...உறவுகள்,நட்புகளை இழக்கும் காலம் இது.வரவு செலவு இன்னும் கவனம் அவசியம்.
குரு 12ல் உங்க ராசிக்கு இருப்பது சாதகமற்ற நிலை என்பதால்தான் சனிப்பெயர்ச்சியும் கடுமையாகிறது..12ஆம் இடத்து குரு அடுத்து வருவதும் ஜென்ம குரு...இரண்டுமே பண நெருக்கடி செல்வாக்கு நெருக்கடிகளை தரக்கூடியது....யாரும் உதவாத நிலை இருப்பதான் செல்வாக்கு நெருக்கடியாகும்......
சனி வக்ரம்;15.3.2015 முதல் 2.8.2015 வரையிலும் ,26.3.2016 முதல் 13.8.2016 வரையிலும் சனி இரண்டு முறை வக்ரகதி அடைகிறார்......அது சமயம் பிரச்சினைகள் குறையும்.பாதிப்பு இல்லை
Post a Comment